Í kjallaranum á ég samansafn af garni til c.a. 10 ára og í tilefni af 10 ára afmæli birgðanna ætla ég að setja mér markmið fyrir árið 2009.
Árið 2009 geymir 52 vikur
Árið 2009 geri ég 52 húfur
Húfurnar verða sýndar HÉR á 52 mismunandi hausum
Engar 2 húfur mega vera eins og allar verða þær að koma úr mínu eigin höfði
Í húfunum má bara vera það garn sem til er í kjallaranum. Fyrsti dagur ársins er fimmtudagur. Hvern fimmtudag ársins 2009 set ég inn mynd af nýrri húfu og val garns í næstu húfu, alls 52 sinnum.
Eins og sjá má á garnið sér ýmsa staði. Það er ekki bara í garnhillunum sem voru smíðaðar sérstaklega fyrir garnið. Slatti er í pokum hér og þar, kössum, myndarömmum og ég veit ekki hvað. Hef þó nánast náð að halda mig við að geyma það í kjallaranum á vinnustofunni minni. Kannski gott markmið væri að koma ÖLLU garninu sem ég á í hillurnar fyrir lok ársins...
Edda Lilja Guðmundsdóttir snigla@snigla.com Gsm:8212542
